അദ്ദിക്ർ

സൂക്തത്തില്‍ 'നിങ്ങള്‍' എന്ന് അഭിസംബോധനം ചെയ്തത്, അല്ലാഹുവിനെക്കൂടാതെ സൃഷ്ടികളായ മരിച്ചുപോയ മഹാത്മാക്കളെയോ മറ്റോ വിളിച്ചുപ്രാര്‍ത്ഥിക്കുന്നവരും ഇത്തരം സൂക്തങ്ങളെല്ലാം വായിക്കുന്നവരുമായ ഫുജ്ജാറുകളെയാണ്. 4: 117 ല്‍ വിവരിച്ച പ്രകാരം അല്ലാഹുവിനെ അല്ലാതെ അവന്‍റെ ഏത് സൃഷ്ടിയെ വിളിച്ച് പ്രാര്‍ത്ഥിക്കുന്നവരും സംശയം ജനിപ്പിക്കുന്ന പിശാചിനെയല്ലാതെ വിളിക്കുന്നില്ല. കാഫിറുകള്‍ക്ക് അവരുടെ കാര്യങ്ങള്‍ ശരിപ്പെടുത്തിക്കൊടുക്കുന്നതിന് പിശാചുക്കളെ നാം അയച്ചത് നീ കണ്ടില്ലേ എന്ന് 19: 83 ല്‍ ചോദിച്ചിട്ടുണ്ട്. അപ്പോള്‍ കാഫിറായ പിശാചിനെ വിളിച്ച് പ്രാര്‍ത്ഥിക്കുന്ന കാഫിറുകള്‍ക്ക് അവന്‍ അവരുടെ ഐഹികലോകത്തെ കാര്യങ്ങള്‍ ശരിപ്പെടുത്തിക്കൊടുക്കുന്നതും അവന്‍ അവരെ പാട്ടിലാക്കുന്നതുമാണ്. 19: 93 ല്‍, ആകാശങ്ങളിലും ഭൂമിയിലുമുള്ള എല്ലാഒന്നും നിഷ്പക്ഷവാന് അടിമയായിട്ടല്ലാതെ വരുന്നില്ല എന്നും പറഞ്ഞിട്ടുണ്ട്. 4: 172; 6: 55; 27: 24 വിശദീകരണം നോക്കുക.